【專題籽】踩車撒哈拉相遇　港男貓女結伴行

【專題籽：胚芽故事】
踩細轆加冇得轉波的單車，明知嘥力，喺香港踩斜坡都想死。33歲的「哈比仔」何仲賢（Hobby）仲要喺今年4月喺非洲踩了兩個月單車，從摩洛哥卡薩布蘭卡至茅利塔尼亞的羅索，橫越撒哈拉沙漠，完成3,100公里，高溫灼熱他的熱血，亦嘗莫名孤獨感，試過同烏蠅傾偈。直至他途中遇上流浪貓女拉芙（Life），決心跟當時兩個月大的貓貓結伴同行，還帶牠回港飼養，Life現於漁護署檢疫中心隔離四個月，11月才能團聚，Hobby藉此希望多些人關注本港動物權益。

「初初喺非洲見到Life係瘦蜢蜢，𠵱家食好住好，大隻咗，次次摸佢肚都脹卜卜。」家住屯門的Hobby，幾乎一有空便前往土瓜灣的漁護署動物檢疫中心探望Life，Hobby這位撒哈拉戰友加枕邊貓，晚晚陪佢瞓，上月回港後分隔，當然會牽腸掛肚。不過貓女有足夠空間走動，昔日膽怯的牠，跟其他貓十分友好，融洽相處，Hobby這位貓爸爸也十分安心。可惜漁護署規定探望人士的身份，記者未能一睹Life的真身。
千里迢迢領養摩洛哥小貓女，源於Hobby這次單車穿越撒哈拉的歷險之旅。他2009年大學畢業，參加了雷利計劃，前往印度做義工，幫當地學童修建環保廁所及修復大象圍欄，同時有機會參與三星期森林歷險之旅，上山下海，激發他愛冒險的基因。他想突破自己的框框，辭去海洋公園熊貓訓練員工作，用單速小輪摺叠車橫越撒哈拉沙漠挑戰自己。「咪以為沙漠一定平坦，其實好崎嶇。」他途中原來要攀升一座逾1,600米高的山，費盡力氣踩不動，只好推車，「其中一天推車時間長過踩車。」踩了21天，進入沙漠地帶，沿路都遇上不同的人，包括電單車旅行團，住在沙漠帳篷的商人等，但孤身上路難免寂寞，Hobby笑說：「正常人都對烏蠅埋身好反感，但試過悶到頂唔順，撩烏蠅傾偈。」加上想念家人，身心有點捱不住，直至他遇上小貓女。

Hobby踩小輪摺叠單車，踩了三千一百公里，橫越撒哈拉，更帶着小貓Life，相信很少人像他這樣踩單車。

摩洛哥相遇　沿途悉心照顧

5月中，由於Hobby的身份證被偷，要延長停留摩洛哥城市達克拉，當地以風箏衝浪聞名，一年四季都是風的季節。他剛好路過，發現小貓女被風吹到毛管戙，瑟縮牆角，於是抱起牠，為牠擋風，這個不經意巧遇，彼此建立信任橋樑，往後晚上他在一間酒店附近再這隻遇躲在車胎的貓女，發現牠臉上有跳蚤，他特意去藥房買小鉗，為牠除蚤除了六小時至凌晨，用心良苦。「在路上遇過太多動物屍體，有些被車輾死，決定收養牠，並改名為Life，意即生命，好多人覺得係我救咗佢，其實係佢改變咗我。」喚起Hobby從小愛護動物的憐憫之心之餘，他的旅途上多了一位心靈伴侶。
人貓單車共遊撒哈拉沙漠，都算是奇妙的組合，Life乖乖坐在單車袋或單車籃伴隨Hobby上路。這位貓爸亦會特地買大牌子貓糧，將最好給牠。不過亦發生過一些驚險事，包括Life差點在攝氏50度高溫下中暑。還有次坐運載鐵礦的火車，前往沙漠的中心，Hobby解釋，每個站都停留一段長時間，奈何他下車的站停得特別短，差點發生意外。「我準備攞行李同單車落車，火車突然開始慢駛，但Life仲喺車上，我乜都唔理，掟咗單車同行李落火車先，上返車卡抱Life，行落少少樓梯就跳落去，好彩孭咗背囊，背脊落地，只係擦損少少，最重要係Life無事。」幸好後來到終點，整段旅途都平安，Hobby後來需回到摩洛哥，替貓女注射防疫針，人與貓亦要分開坐飛機回港，Hobby為了給Life最佳的享受，寧願自己坐廉航。這經歷令他日後希望出一分力，幫助流浪動物。