發表過唔少抵死搞笑post嘅德國駐香港總領事館facebook，噚日出po公佈新任德國駐港澳總領事林文禮（Dieter Lamlé）已上任一星期。
林文禮話，同太太好高興嚟到香港，指1996年被派駐耶加達工作時，已同太太嚟過香港一次，當時已希望有朝一日能喺香港呢個充滿魅力嘅城市工作，現時「期待着未來幾年給我們的刺激」。
佢又話來港之前，喺外交部擔任咗9年拉丁美洲專員，之前係柏林市嘅禮賓事務長，嚟到香港後將致力擴大同加深港德之間嘅關係。
唔少網民見新官上任都表示歡迎，有人搞笑留言，「相信未來一年香港政府會畀你唔少刺激」，有人則希望林文禮為香港民主發聲，但最多網民係向佢「求救」，話澳門俾颱風天鴿搞到水深火熱，「請問總領事先生可否幫幫澳門市民？」