末代港督彭定康兩個月前出咗本新書，叫做《First Confession: A Sort of Memoir》（首次自白），係佢從政生涯嘅回憶錄，為咗宣傳新書同與讀者交流，肥彭將於9月18日至21日來港，行程相當緊密，首日一落機就會有新書推廣、演講等活動。
第二日，肥彭會去外國記者協會出席午餐會，第三日會去香港民主促進會出席午餐會，下午會去總商會總部演講，總商會提醒出席嘅人士要肥彭簽書，請先買書。肥彭壓軸一場會去香港大學陸佑堂演講，之後就會返番英國。肥彭早前喺《金融時報》大鬧特區政府覆核刑期，令3位年輕人入獄，今次來港一定會再被問到呢件事嘅睇法，唔知到時佢又會發表咩偉論呢？