導演馮德倫同老婆舒淇、劉德華早前為新戲《俠盜聯盟》宣傳，喺中環接受訪問。舒淇撒嬌話唔想再同老公合作，因為老公冇特別優待，反而自己就有優惠老公。
舒淇話唔辛苦，自己仲畀老公好大優惠：「有一場志偉用槍打我，我扮死暈低，基本上其他導演拍我唔會自己瞓低。」馮德倫為自己平反，一早搵定攝影師，務求將太太拍到18歲時一樣，不過舒淇話都係差兩歲。至於夫妻檔會唔會再合作，馮德倫就話：「如夫妻檔演，除非華仔做導演。」舒淇顯得甚抗拒：「嘩！冇乜必要我覺得唔需要。」舒淇話擔心工作上有磨擦。
華仔話一直想同馮德倫合作，但都唔成事。反而無心插柳，完成咗《俠》片。
下月訓練
華仔仲話：「最近照X-ray，只係坐骨神經有啲問題，9月開始訓練。𠵱家拍動作片比以前舒服，有能力就做，冇能力就算。」華仔聲音有點沙啞，佢笑笑口話：「噚日睇醫生，佢話我年紀大，把聲易攰。過去半年少運動，因為都係肌肉，少運動就容易攰。」
撰文：馮仁昭
採訪：張俊銘
攝影：葉君海
髮型：Carr Cheng、Sev Tsang
化妝：Hetty Kwong、Elvi Yang
場地提供：The Landmark Mandarin Oriental, Hong Kong
