Ricky Sham入行八年，作品集超厚，最難忘是前年為舒淇張羅華衣行康城紅地毯，「第一次dress康城影展，有啲壓力，要搵六、七套衫。」去年郭富城開騷，能夠與本地設計師Kay Kwok合作亦是一次難忘經驗，「用年輕人要膽量，有好多前輩好似張叔平，未必揀到我，好多謝小美畀機會我。」
「我唔怕變化」
新鮮感推動Sham在這行打滾，「入行時冇話咁易拎手機喺Ig睇到衫，長期有sample list喺電腦，所以每日工作係行街，留意潮流資訊，所有嘢都係自己摸索。」日新月異，新時代數碼化，「紙媒、娛樂圈面對變化，我唔怕變化，尋求進化好有趣。」對比讀者以往揭書仔細研究，今時今日講求速食，「啲人喺Ig畀張相嘅機會只有兩秒，點樣令件事吸引，表達到想表達嘅係有排學，係想行落去嘅目標。」
無懼改變是Sham入行原因，「好早出嚟做嘢，託賴有兩萬幾人工，對二十歲出頭嘅我係好穩定，但就覺得一生人係咪就係咁呢？」毅然轉任造型助理，「印象中係六、七千蚊人工，𠵱家收入係咪可觀？styling唔會賺到好多錢，入行時target唔係搵好多，所以接受呢樣。」
Sham起初做助理不擅面對客人，多得造型師信任，似合夥人形式令他快速成長，現在他對助手沿用同一模式，「助手都係做緊我嘅工作，瑣碎事要人幫，好似一個人走唔晒去所有地方，搵到歐美牌子，因為時差要夜晚先覆到，但日頭我又有工作，就分schedule去編排。」
【舒淇、郭富城等紅星都是Sham的合作夥伴。】
更多精采時尚內容，盡在 http://add.appledaily.com 。