【上環】澳門及香港前日受颱風天鴿吹襲，往來香港及澳門的交通都受影響。讀者蔡小姐昨日透過本報「爆相爆片」，表示在澳門氹仔碼頭遇見雷頌德（Mark）和太太梁家玉（Jade)，以及其兩個囝囝，指Mark在碼頭懷疑因打尖問題與人爭執。
蔡小姐說：「班船係1點40分，上船嗰時，佢哋喺條隊攝入去，即刻就有人同佢講『先生唔該排隊啦！』其他人都起哄，然後佢就發咗狂咁喺度鬧，問工作人員條隊究竟喺邊？又話佢俾人鬧。」
「俾人冤枉」
昨午3時多，本報記者抵達上環港澳碼頭等候Mark，問他是否在澳門碼頭與乘客爭執？Mark即一臉冤屈說：「係呀，有啲𤷪𤺧，但我唔係好想講，總之我係一個好守禮貌嘅人，但反而俾人話我打尖，所以我好嬲，唔好講喇。」
本報之後再聯絡Mark，他透過短訊回覆：「我哋買咗頭等VIP房位，本來上落船都唔需要排隊，但我哋入閘都照排隊，冇乜所謂，人多大家都係咁，入咗閘職員就叫我哋上船唔使排，咁我哋企喺側邊等上船，一行就俾人話打尖。」他續說：「身為一個公眾人物，當住幾百人前話我打尖，我覺得有需要平反，好憎俾人冤枉。」又稱之後與船公司經理走進經濟位找那位投訴的女士，是想給自己還清白，他又嘆氣道：「咁多年我已經build up咗我嘅禮貌，我係點做人，想做個好榜樣，𠵱家調返轉俾人冤枉。」
何猷亨派水
另外，何猷亨昨日在澳門其母梁安琪的議員辦事處派水，他接受本報訪問時說：「好多舊區就算有電都未有水，即係有電都冇得煮飯，我哋見到有人將水炒到成150元兩樽，我哋就喺服務中心幫手派水畀市民。」
採訪、攝影：畢紹基、徐錦池
