超級颱風天鴿橫掃港澳，不過如果你喺中環見到一件件大型傢俬，唔使驚，更毋須擔心係颱風過後嘅垃圾，因為中環海濱今日起一連三日舉行「共建‧共享：大型公共傢俬展暨遊樂會」，今明兩日會動員共2,000人，用8,000塊大型卡板砌建佔地達5,000平方米、呈「HK」字樣的大型迷宮。明日署理行政長官張建宗、活動贊助人新地執董郭基煇及信和執董黃永光等，都會一齊挑戰最長卡板連線健力士世界紀錄。
活動由聖公會福利協會、中西區民政事務處及中環海濱活動空間合辦。巨型迷宮內將放置20件大型傢俬，由綜合服務使用者如長者等，以及大專院校師生共同設計，並設工作坊和攤位等，免費開放畀公眾參與。活動最後一日亦會喺迷宮內舉行由大型傢俬改組而成嘅抬轎比賽。詳情可瀏覽： http://www.webuild.skhwc.org.hk