天鴿今早在香港以南50公里範圍內掠過，港島東區算是其中一個重災區，不單只海邊幾米高巨浪撲上岸，杏花邨停車場更水浸沒頂，水深近2米，近三十架車集體潛水，網上唔少影片見到一班車主聚集停車場入口欲哭無淚。
假若車主買咗全保，到底有無得賠呢？答案係有的！因為大部份汽車保險條款都沒有說明大雨或颱風之下遇意外不受保的，車主可向保險公司索償，而停車場亦有責任和措施通知車主怎樣處理；假若車主沒有全保，則只能向停車場追討。
除了在停車場，路面上都有機會潛水的，全保一樣有得賠，不過條款上有一項清楚說明：要盡量避免意外發生，所謂盡避免按實際情況而定，例如在路面上遇水漥，在安全情況下就應盡量迴避，若然不能迴避又應該點做？兩個原則：慢駛、均速！因為快速駛過會增加煞車系統入水機會，影響煞車效能；而若水漥水位高過死氣喉，於水漥中減速有機會導致積水沿死氣喉進入引擎，導致死火。
記者：曾冠輝
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily