中國女排總教練郎平舊年帶完奧運之後，就去咗美國做髖關節手術，加埋休息咗差唔多成年。早排有報道講，郎平有望喺九月帶隊出戰喺日本舉行嘅大冠軍盃，但原來佢星期二已經返到北京，同日已經去到指揮中國女排訓練，叫袁心玥練攔網同親自睇住朱婷練一傳。郎平仲企埋喺朱婷嘅場區度話：「你要想像我係二傳，但你要傳得好，因為我呢個二傳係郁唔到㗎！」