日模松岡李那6月喺夏威夷，被周焯華（洗米華）一攬被封新寵，當事人已分別否認，松岡日前接受本報訪問，講到感情觀，就大嘆：「There is no one is good guy！」（冇個好男人）提到同洗米華嘅緋聞，佢就表示：「不是事實，我覺得不需要時常提，他有家庭和子女，我不想破壞對方甚麼。」
松岡就堅拒做第三者，因為當年佢爸爸有外遇，搞到離婚收場，所以唔會做人情婦。對於揀男友，佢就鍾意亞洲男，就講明唔一定要有錢：「我沒說過一定要找有錢男友，但有錢好過沒錢，相信沒人會表示不需要錢，個個都應該這樣想。我的角度，一個男人好有錢，他鍾意我，但我對他沒興趣沒感覺就不可以，世界上有錢人好多，但我覺得他們全結了婚。」
31歲的松岡話好耐冇拍拖，但接受到未婚生B：「我28歲那時，不想結婚，但有想過34歲前會生BB。世界上規則不能大過生命，有BB重要過結婚，同埋肯定BB爸爸是我愛的男人。」
撰文：馮仁昭
場地提供：Rent A Kitchen