隔牆有耳:風忠追風 讓一切隨風 - 李八方

隔牆有耳:
風忠追風 讓一切隨風 - 李八方

颱風天鴿襲港,噚日朝早已經掛上10號颶風信號,到處水浸、塌樹,天文台呼籲市民盡量留喺室內地方,之不過,依然有唔少人風雨不改晨運。
街工梁耀忠噚日朝早仲係8號風球時,被傳媒野生捕獲佢喺尖沙嘴海旁緩步跑,當時雨勢都幾大吓。八方事後問過阿忠,佢話晨跑呢個習慣已經十幾年,平時冇會開就會由屋企沿海旁方向跑,佢今朝7點開始跑,跑到一半時遇到電視台記者,先知道已經9號風球,「跑嗰段路又唔覺大雨、大風」,最後跑到十點幾,10號波下返屋企。
今年64歲嘅阿忠,過去都有參加渣打馬拉松,仲要係跑開全馬,從佢堅持颱風下都要出動,可見佢幾咁鍾意跑步。