李宗偉喺世錦賽首圈就爆大冷出局，以1:2不敵世界排名31位嘅法國球手利華迪斯。李宗偉職業生涯未拎過世錦賽冠軍，今年仲刷新個人10次參加世錦賽嘅最差成績。34歲嘅李宗偉話：「覺得自己特別差，跟唔上節奏。已經盡咗最大努力，但都係輸咗。遺憾肯定有，但冇辦法，始終要去面對。」被問到幾時掛拍，李宗偉都係一如以往咁話：「我唔知道。」