【本報訊】一批內地居民來港集體報案，指香港「假活佛」陳寶生聲稱可醫治奇難雜症及曾說有保健品可治癌症，又指陳涉嫌騙財騙色。有資深警務人員指出，警方調查所有罪行首要是案件在本港境內發生，若案發地點在境外，當局並無執法及司法管轄權，難以跟進調查。
治癌藥無效僅涉商品例
該資深警務人員直言，很難證明陳寶生涉嫌向信徒兜售無治癌功效的保健產品涉及詐騙，「除非你畀錢，佢冇畀貨，咁就係涉嫌詐騙，如果只係話啲產品冇功效，只可以話涉嫌違反《商品說明條例》」；反而陳寶生被指涉嫌迷姦女信徒的指控，警方或有機會作出提控，「如果受害者口供堅實可信，警方或會提控，以往警方都試過檢控借轉運誘騙事主性交嘅案件，但前提係案發地點喺香港」。
不過，律師文浩正指能否檢控陳涉嫌干犯罪行，要視乎案件細節及證據，「詐騙、行騙要睇佢（陳寶生）講咗啲乜嘢，純粹講健康食品，可能佢有啲功效係呃人哋嘅，或者呃女性，同佢哋講例如性交轉運，某程度上係中（有證據），但不能一概而論，要睇當時佢點表述」。
■記者謝明明