「我一個月前轉職新公司，管理一條10人team。先前我並未有管理經驗，加上現職涉及一啲我以前未涉獵過嘅範疇，新工算係人生一大挑戰。Team中大部份係職場新人，所以我有需要依賴年資最長，同我差不多年資嘅下屬。
但呢位下屬可能覺得我搶咗佢升職機會，就算我不恥下問佢都只會推托敷衍帶過，有咩事更唔會主動滙報，同其他同事或部門合作上甚至會架空我。
另一方面，上司期望我加入可以加快推行新政策，所有高層都係之前收購時換咗嘅新人，向上看暫時睇唔到有咩幫助。我經已好努力，但靠自己摸索，得唔到上司幫助，下屬又唔合作，夾在中間兩面不是人，實在令我有啲洩氣，為自己擔心。我應該點做？」
你之所以力不從心，兩頭唔到岸，因你轉了新工作新崗位新角色，但未有用新思維新方法新觀念新態度去配合。如果上司看重的是管理經驗他會不會請你？公司上下所有人幾乎都是新加入，上司亦講到明期望你可以幫手盡快推行新政策，但你竟然會依賴年資最長的舊員工幫你？一開始就錯的方向，是不會走出對的路，如果你真的缺乏自信，又認為自己力有所不逮，為甚麼要接受這個挑戰？
做得管理層，應該清楚是三文治的夾心，對上對下一樣有壓力。但一份三文治究竟憑甚麼定價？講到底就是「夾心」餡料，先問你自己，究竟是甚麼材料？作為管理層，就要有膊頭擔得起大旗揹得起責任，不是期望高層可以給你幫助，下屬可以提供協助。
你要好好把握還是個新人的身份，盡快撥亂反正，和上司建立密切溝通互動的關係，盡力配合公司新方向發展。那件舊傢俬，你要來作甚麼？