【本報訊】上訴庭副庭長楊振權就重奪公民廣場案的判詞引起爭議，早前石永泰形容楊判詞有些內容情緒化，他昨再評論時，除續指判詞是「好情緒嘅說法」，又指有些內容非「普通法世界嘅語言」。公民黨主席梁家傑則批評，該判詞包含很政治的論述。
楊振權在判詞提及社會瀰漫歪風、一些有識之士鼓吹違法達義等，形容是傲慢和自以為是。石永泰昨稱，楊的判詞是「好情緒嘅說法」，亦不是「普通法世界嘅語言」。
梁家傑：似睇緊《文匯》社論
梁家傑批評楊振權判詞有很多政治的論述，「令人好似睇緊《文匯》、《大公》嘅社論咁」，認為上訴庭應根據證供、證據作結論，「做乜冇啦啦講兩段《文匯》、《大公》語調嘅判詞，你咪招人詬病囉」。
梁續指與石一樣認同捍衞法治，但不等於要保護每一位法官，「如果法官係會犯錯，我哋要指出」，他只想上訴庭釐清法律觀點，「究竟係咪日後嘅後生仔女，見到不公就噤聲，見到不義就躲藏，係咪希望咁呢？如果係，咁冇得講，但我唔相信呢個代表我哋現今社會嘅價值同人文精神」。
■記者呂浩然