曼聯翼鋒安東尼馬迪爾開季頭兩場聯賽有波入，禮拜日就同女友美蓮妮加多位女性朋友一齊去打保齡球慶祝，佢嘅電視台姐仔女友美蓮妮就收埋身材，灰色連身裙加緊身褲。六月放暑假嗰陣，馬迪爾同美蓮妮去毛里裘斯度假，當時美蓮妮大解放着鮮紅比堅尼，大騷完美身材。同時，英國有位叫AJ嘅曼迷，日日喺twitter tag馬迪爾講Hello，如是者第78日佢讚馬迪爾嘅入波好靚，終於令到馬迪爾用High 5 emoji回覆，令唔少網友都留言恭喜佢！