陳美齡同麥明詩媽咪麥何小娟有咩共通點？介紹番，陳美齡喺美國史丹福大學讀教育學博士，三個仔先後考入史丹福大學，然後去年出書《50個教育法，我把三個兒子送入史丹福》，今年再接再勵出埋《40個教育改革提案把快樂帶回給香港學生》。而麥太麥何小娟就係兒科註冊職業治療師，又喺澳洲墨爾本大學讀教育碩士，上年都出咗本書《我的女兒麥明詩－一張白紙到10優的培養經歷》講點教女。
早幾個月林鄭當選特首，就傳過會搵陳美齡做教育局局長，雖然佢喺訪問中親口否認，但空穴來風，未必無因，因為陳美齡真係同林鄭見過面，仲討論過教育問題。當時麥明詩知道陳美齡可能做到局長，就推薦媽咪「角逐」，又話自己真心支持媽咪，但麥太ready未呢？麥明詩就話要問番媽咪。