英國《太陽報》透露，今季回歸愛華頓嘅朗尼，有機會喺下月重返英格蘭國家隊，出戰對馬耳他同斯洛伐克嘅世盃外！朗尼上季喺曼聯冇咗正選，喺三月嘅國際賽期，領隊修夫基就以朗尼狀態不足做理由，冇揀佢入大軍。不過朗尼今夏返咗去愛華頓就做番主力，仲喺首輪英超有波入。修夫基話會睇實周一曼城對愛華頓場波，若果朗尼繼續有貨，就話會重召「月巴」入英軍。