噚日又熱又焗，三十幾度，真係想大唱「他他他燒滾我……」最好就係飲支啤酒「啤啤佢」。華潤啤酒（291）首席執行官侯孝海都唔例外。
噚日潤啤業績會，四位管理層例牌每人揀支自己鍾意嘅啤酒，乖乖哋企喺一堆啤酒後面影相，不過一眾記者見次次都係企喺度咁悶，就叫侯總開嚟飲番啖，佢又唔抗拒喎，仲大啖大啖咁飲，幾爽。
又啱嘅，公司上半年業績好，難怪管理層都要飲勝!
不過，家陣手工啤酒更受年輕人歡迎，唔知管理層點睇呢？投資者關係總監謝丹瀚就話，手工啤酒比較個人化，確有唔少人鍾意，但喺中國市場份額比較細，佢哋都會密切留意呢個市場嘅。咁「酒鬼」就要留意喇。