「屋企人好反對，成日都話，阿仔唔好搞咁多嘢，讀埋個書先再諗。」兩年前，Abtitu創辦人方嘉毅（Lucas）好不容易才由高級文憑升讀理工大學電子計算學系2年級，但為了創業，毅然輟學，「讀書係學一啲我唔識嘅嘢」，非為一張「沙紙」，「如果我放棄學業，可以得到更多經驗、更多知識，點解仲要局限於讀書？」
半途離開學園，Lucas從沒停下腳步汲收知識，由能源、機械到土木工程，「有時間我就想explore（探索）呢個世界。」他自幼好奇心強，念小學時看見哥哥友人在電腦建立了FTP，「我問點整，但佢唔答，我就買書學」；初中時已替人寫網頁、建立伺服器賺「外快」，「每日最少有500蚊」，但荒廢了學業，險被踢出校。
另一創辦人梁子謙（Sean）會考選修電腦科，結果「肥佬」，「以為自己好鍾意IT（資訊科技），其實只係鍾意打機。」由Band1讀到Band3，高考成績「三條U」，只能報讀專上院校自資課程。曾在書店賣書，又沖過珍珠奶茶，他自言在親戚眼中不是聰明的孩子，「喺香港只講成績，你成績高就係尖子」。
慶幸念高級文憑時遇上「伯樂」導師，啟蒙他在網絡規劃上發展所長，取得優異成績，升讀香港大學學位課程。尚有一年畢業，去年他申請休學，跟Lucas一併全職創業，「有啲人只係差跨過一邊牆，未跨過前，剩係屈喺間房度，跟住規則去做。但當你一跨過道牆後，你會發覺自己個世界大好多」。
一個輟學、一個休學，二人沒後悔也不覺犧牲。Lucas說，年輕人最大優勢是有股傻勁，挑戰不可能，「有好多嘢令你想放棄，但諗番當初股傻勁，你就會覺得，so what？然後繼續去做」。Sean也指，很多時年輕人想創業，因對市場或社會上一些事情看不過眼，決心改變，「但好多人得個諗字，諗完，第二日繼續做自己嘢，忘記件事」。
曾被「睇死」、經歷財困，二人坦言，有想過放棄。「好多時阿Sean會話：『得啦，同你一齊去撐』」，Lucas說，創業，心要夠堅定，「你堅持10年去做一件事，亦願意不斷去優化，我唔相信件事會差得去邊」。過程中難免要翻越幾道牆，但Sean認為，「總係有條路」；Lucas接着說，「比你行到落去」。
記者 王家文