特首林鄭月娥於月初話過，希望「圓滿解決」重開公民廣場同開放網上媒體採訪權嘅問題，八方聽聞對政府嚟講，開放網媒採訪問題較重開公民廣場更難處理，因為難以定義網媒，亦要考慮場地空間等實際操作問題，做過傳媒嘅香港本土毛孟靜向林鄭獻計，話可以先推行試驗計劃。
林鄭月初話已經要求新聞處處長以開放包容態度研究，據知政府主要考慮係點樣定義網媒，一旦開放網媒採訪，或影響傳統傳媒工作，例如提問機會被攤分等，預計未必短期內解決。
八方請教過Miss Mo，佢話唔明全面開放有幾難？同時建議可用試驗計劃方式，先容許較為人熟悉嘅網媒採訪3個月，政府可視乎結果先決定下一步。