【聲援良心犯】
【本報訊】雙學三子和東北案共16名良心政治犯觸動港人上街聲援。不少參與遊行的年輕人都強調，政府的打壓不會令他們噤聲，其中有17歲初次遊行的中學生說，被判入獄的黃之鋒僅20歲，「佢都咁勇敢，我又點可以唔行出嚟？」更有年僅8歲的男童說：「佢哋係犯法，但係無罪」。
記者：李詠希 彭愷欣
準備升小四、8歲的姚同學偕父親遊行，他認為雙學三子沒有做錯，「佢哋只係想表達啲好嘅嘢，係香港人嘅心聲，政府（覆核刑期）唔公平，因為無論點都好，都唔應該判佢哋坐監，佢哋係有犯法，但冇犯任何罪」。姚同學又表示，不會因為政府打壓而不敢上街，反而會更加有勇氣走出來，「咁先可以表達我哋嘅不滿」。
學生：不會噤聲
初次遊行的10歲袁同學指出，現時政府不願意容納異見，「但要有其他人意見，社會先有得改變㗎嘛」。袁同學批評，政府刻意針對黃之鋒，覆核刑期令他入獄，「（黃之鋒）佢都係想講出自己嘅心聲，而唔係想針對其他人」。她認為，政府壓迫雙學三子並不會令她感到害怕，會更大膽上街表達己見。
同樣首次參與遊行的17歲中學生劉小姐說，得悉東北13人及雙學三子入獄時，感到十分傷心，「喊咗出嚟」，對香港很失望，「16個冇犯過罪嘅人入咗監獄，好唔抵。東北嗰班只係為咗守護自己屋企，佢哋冇做錯事」。她說雙學三子是為了年輕人的未來發聲，「黃之鋒得20歲都咁勇敢，企得咁前，我仲點可以匿埋？一定要企出嚟。」她又斥政府現時打壓新一代人的聲音，「以為更大力打壓，我哋就唔會出嚟，唔係囉」。
20歲大學生謝小姐批評，雙學三子判刑無理，「點解仲要延長刑期？某程度上係清算呢班90後，走得社會最前嘅同學，令民主運動弱咗好多」。她指，律政司司長袁國強刻意覆核三子刑期，予公眾濫權之感，「點解要用政府中立嘅角色去做呢啲事？」
同為大學生的曾小姐也不滿判決，「本身個法官都有自己嘅政治取向，因為咁影響判決唔公平，係政治打壓，香港首次有政治犯，之後會有越嚟越多呢啲事發生」。
夫婦問如何教子女
許氏夫婦則帶同兩歲半及一歲的孩子遊行，全因擔心司法制度獨立性受干預，影響下一代，「判決好明顯係政治考慮，三權合作，赤裸地話我哋聽法治係崩潰咗」。二人更擔心，作為家長，經歷政治犯入獄後，日後應如何教導小朋友，「教唔教佢哋為公義企出嚟、為不公平去發聲呢？」
30歲任職社工的連先生斥政府覆核三子刑期是「離晒譜」，原本三子已為所犯的罪負上責任，但「某司長」政治不中立，繼續利用權力壓迫三子，「其實成個政府都政治唔中立」。
從事運輸業的36歲王先生質疑律政司欲想向中共邀功，近期一連串政治打壓事件是為了立法會補選鋪路。
