【本報訊】張耀堂於2011年擔任八達通總裁一職，2014年退休不久再復出，回憶當年加入時，以為管理八達通公司好簡單，不過後來發現背後系統複雜，而且責任重大，坦言曾經有reality shock（難以接受現實）。
張耀堂指，未加入八達通前，覺得利用八達通卡乘車、購物簡單，「未做過有錯覺，以為八達通好易做，唔使憂生意，一入嚟發覺係另一回事。」他指八達通是本港公共交通系統重要一環，系統需要非常穩定，「如果失靈，好弊傢伙，影響好大，所以好大壓力。唔好睇少幾蚊，加埋每日交易有1,400萬張單，半秒延長都不得了，又要同舖頭對數，有個reality shock，原來責任相當大。」
談到自身擁有八達通卡數量，原來張耀堂多年來已經儲夠20張，「公司八達通Sim卡、自己八達通Sim卡、公司門卡、銀包信用卡、禮物卡，仲有好多紀念品版本。之前Minion開賣，買得少畀老婆追到我，話CEO都買唔到，我話係啊，冇得打尖。」