【本報訊】律政司司長袁國強（圖）堅持覆核原被判社會服務令的雙學三子刑期，有法律界人士批評袁國強勢要迫使3人被判入獄才肯收手，明知今次覆核一旦判囚，勢必撕裂社會，斥袁是整件事的罪魁禍首。前法律界立法會議員吳靄儀指：「點解佢哋已經服咗刑，你（袁）都要夾硬覆核到佢哋坐監？」工黨李卓人亦認為，特首林鄭月娥不能置身事外，認為她應叫停所有政治檢控。
昨日有參與遊行的吳靄儀認為，今次關注點是袁國強作出覆核刑期的決定，「佢一定要覆核到佢哋（三位年輕人）入獄為止，呢個決定係最令到香港人有意見」。
吳靄儀認為，涉事年輕人根本無逃避責任，問題是律政司窮追不捨：「原審法官已判咗佢哋做社會服務令，佢哋亦都服咗刑，所以你唔可以話啲後生仔唔啱，點解佢哋已經服咗刑，你都要夾硬覆核到佢哋坐監？」
開先例恐影響日後判決
同樣有參與遊行的資深大律師、公民黨主席梁家傑認為，原審裁判官既已作出裁決，而這類案件一般較少覆核刑期，故袁國強應解釋為何要覆核，解釋其政治決定：「佢出來解釋係代表咗對犯事嘅學生同年輕人嘅一種態度，政府係咪要噤聲呢……你估袁國強做呢個決定，佢知唔知佢嘅決定係會撕裂社會呢？佢當然知道啦！佢咪係撕裂社會嘅罪魁禍首囉。」他又指，今次上訴庭重判示威者，必令日後裁判法官不敢輕判示威者，「呢個係（上訴庭法官）楊振權嘅企圖嚟㗎嘛，佢嘅判刑係無詳細解釋，冇基礎」。梁認為，由於今次判刑勢必影響日後類似案件的判決，雙學三子的案件有足夠理由上訴至終審法院。至於上訴排期，梁指一般來說，終院需時半年才會處理，屆時部份人士可能已獲釋。
除了袁國強，亦有現身遊行的工黨李卓人指，新特首林鄭月娥有不可推卸的責任，大可叫停有關政治檢控，還香港和解，而非繼續打壓。
■記者姚國雄