【本報訊】傘運結束，港人經歷過政改否決、旺角騷亂、DQ案等，兩年多的時間內，除旺角騷亂一役，未見再有大型群眾運動，就連近日一地兩檢爭議，外界都認為「炒唔起」。究其原因，劉頴匡認為可能是港人「經歷咗太多嘢」，傘運後多場選舉、補選，漸令大眾失去方向，加上本土陣營內鬥，缺乏具號召力的人物出現，還有政府的嚴厲打壓，導致今日的局面。
他對傘運未能有成果感到可惜，「我唔會阿Q精神話大家關心咗（政治）就叫成功」，思前想後，終想到不如從地區工作埋首，「做社區工作唔使坐監啩，亦都係我哋力所能及，亦都唔需要擔心本土陣營嘅內鬥」。
「唔需要擔心本土派內鬥」
主張街頭抗爭與透過參選走入建制兩條路線之間，自傘運後似乎成為平行線。劉相信兩條路線可以分工，「大家要有個默契、要大家明白，我哋唔係唔支持街頭抗爭，但係我哋嘅身位，既然我哋選擇咗要做地區，可能就未必走到上最前線」。
劉頴匡又提到，沙田區議員陳國強以他的薪金支援義士，強調循參選推動民主的人士，「要記住初心係贏到、係想幫抗爭者，唔係當選後要清算佢哋」。
■記者呂浩然