【本報訊】遊行隊伍中不乏滿頭白髮或撐着枴杖的長者，為年輕良心犯和香港的未來發聲。60多歲的黃婆婆帶同孫女遊行，她說會一邊遊行，一邊告訴孫女雙學三子的事，強調走出來遊行是為了下一代，「（覆核刑期）對年輕人唔係警號，反而（應該）更積極。𠵱家畀我哋嘅感覺係冇法治，係人治」。
再判基於政治因素
70歲的麥婆婆指出，遊行人數比預期少，「應該要更多先至啱」。麥婆婆更批評政府無恥，「不分青紅皂白就拉人，我覺得被拉嘅年輕人真係好為香港，佢哋為咗我哋香港，最後竟然要坐監，好傷心」。
麥婆婆指出，雙學三子已經完成社會服務令，今次再重判完全是基於政治因素，「最初判佢哋服務令都睇前因後果，佢𠵱家純粹講行為，唔計前因後果點得啊？邊個逼佢哋出嚟呢？呢啲年輕人畀你（政府）逼到出嚟，佢哋良心真係為香港，點樣可以將佢哋拉入去坐監？」
68歲劉婆婆表示，上街是為了支持「小朋友」，一班年輕人都是為了香港的未來發聲，批評東北案和雙學三子案是政治審判。劉婆婆質疑香港失去司法獨立，背後淪為中共控制。
■記者李詠希、彭愷欣