「娛樂大亨」林建岳嘅御廚、米芝蓮三星名廚Umberto Bombana，早排自資喺中環開一間意大利私房菜，最近又有新消息，獲意大利頒授意大利共和國勳章（Ordine al Merito della Repubblica Italiana, OMRI），表揚佢廿幾年來，喺香港推廣正宗意大利飲食文化嘅貢獻。
睇資料，OMRI係意大利最高榮譽，主要頒授畀喺文學、藝術、經濟、社會服務、慈善同人道主義事業有傑出貢獻嘅人士，應該類似香港嘅大紫荊勳章。而Bombana係香港首位獲得OMRI嘅意大利廚師。睇番香港，幾時先會有大廚獲得大紫荊勳章呢?