【本報訊】距離下屆區議會選舉尚有兩年多時間，由6個傘後組織組成的社區網絡聯盟日前宣佈以2019年區選作目標，矢言要取得15個區會議席。聯盟發言人劉頴匡接受訪問時指，傘後組織把目標放在區議會，因明白到民主運動除了街頭抗爭一途外，透過參選、當選取得議席資源，亦可與街頭抗爭相輔相成。
社區網絡聯盟是由來自天水圍、沙田、藍田、葵青等6個傘後社區組織組成，日前聯盟成立時表明，期望在下屆區選中取得15個議席。
劉頴匡接受訪問時分析，哪怕只是一個區議會議席，都能為民主運動帶來財政資源及接觸市民的渠道。他指，其實不少人都希望服務社區和香港，但礙於缺乏穩定收入，難言全心全意地投入，而區議員薪金和津貼，正好成為有力的財政資源。與此同時區議員亦是接觸市民的渠道，他以近日備受爭議的高鐵一地兩檢為例指，「佢哋（建制派）透過自己嘅議席去同市民宣傳佢哋嘅政治理念，令到好多市民支持佢哋，呢樣嘢非建制派都需要去做」。
「選民未必睇蛇齋餅糭」
劉指由區議會入手，一方面是聯盟內的成員較熟悉地區工作，另一方面考慮到立會選舉以比例代表制進行，換言之須獲一定比例的選民支持，加上去年立會選舉，單單本土派都有數人爭一席情況，區選則以單議席單票制進行，參選人要面向所有光譜的人，接觸面要更廣。
現時431個民選區議員議席中，非建制陣營僅百多個，輿論經常歸咎建制派壟斷區會，主要依靠「種票」、蛇齋餅糭等招數。劉指早前邀請了數位非建制派區議員作分享，大致都覺得「選民最睇嘅未必係蛇齋餅糉，其實最睇反而係你對個區有冇心、勤唔勤力」，以前年區選結果顯示，確實有選民對扎根當區多年的建制派議員不滿或感到悶，冀有新風格而選擇新面孔，故下屆區選更要「大做」。
聯盟相信「早落（區）早享受」，所以距離選戰兩年多前就落區。至於與主流民主派的關係，劉表示暫時還未與其他民主派「撞區」，亦直言聯盟落腳的選區，無可避免會與民主黨、公民黨等主流民主派相鄰，因此「唔合作大家一齊唔使選」，但他補充，聯盟成員在政治上會較為傾向在福利、人口政策上港人優先。
■記者呂浩然