本港冠軍騎師、巴西籍的雷神莫雷拉，日內將開始在日本札幌競馬場短期客串，如今他已身處日本準備比賽，單係緊接而來的周六（19日）、周日（20日）一連兩天賽事，個人已分別獲11駒及9匹座騎上陣，兩日合共策騎20匹馬，忙得不可開交！
而星期四（17日）他亦在當地為自己其中一匹座騎灰馬Foggy Night進行操練。
雷神在東瀛名氣甚大，他甫到日本，唔止吸引到各方馬主、廐主向他提供實力馬，甚至引來童顏巨乳松中Minami埋身，主動要求合照。
現年32歲的松中Minami於日本藝能界已屬中女，近年經常主持日本賽馬節目及推介心水馬匹。
松中有一定知名度，多少因佢係日本退役著名棒球手松中信?的親戚。去年日本橡樹大賽（草地2400米一級賽），松中Minami便獲邀與松中信?一同去到小倉競馬場，主持預測節目。
松中Minami亦曾來港，觀看12月的國際賽，當時天氣甚凍，松中身穿厚衫，亦掩蓋唔到佢對賽馬豐滿嘅熱情。
今次松中除了向雷神集郵外，仲喺晨操仔細睇馬，唔知佢會唔會向馬迷推介雷神座騎呢？