3年前外國係社交網興起「冰桶挑戰」,透過淋冰水俾一般人感受肌萎縮性脊髓側索硬化症(ALS)患者、即俗稱「漸凍人症」患者苦處,為「漸凍人症」患者籌款,呢股風氣之後吹到香港,好多名人、明星響應,亦為香港肌健協會共籌得3,000萬款項,不過3年過去,「冰桶挑戰」風潮已過,原來當年籌得嘅錢亦用咗一大部份,香港肌健協會5年後可能再面對財困。
協會秘書長潘沛金話,3年前籌得嘅3,000萬已用咗逾448萬元,當中近半用嚟支援同協助80名「漸凍人症」患者,47萬用嚟舉辦宣傳活動,其餘用係行政工作上,𠵱家推算餘下嘅錢只夠支持協會運作多5年,潘沛金「漸凍人症」患者日常生活上唔少開支費用高昂,好似呼吸機費、住院費同出入交通費,雖然有傷殘津貼同關愛基金等資助,但都係唔夠,所以希望政府針對「漸凍人症」患者提出合適政策協助。