夏日除咗吃西瓜消暑，落街行吓墟市都係一個消遣好選擇。劉小麗被DQ之後並無停低腳步，反而更積極推動墟市工作，聽日佢就聯同香港廚師聯盟及社區前進兩個團體，喺大角嘴埃華街公園附近搞墟市，大家不妨去睇吓。
小麗話被人DQ後，都持續進行墟市、安老嘅工作，冇咗議員身份，只不過冇咗立會呢個平台，但亦因此多咗時間喺民間做嘢。安老、墟市呢啲係需要唔少人幫手嘅工作，所以佢好感恩唔少助理仍然以義工身份繼續幫佢。至於政策層面嘅事，暫時就有勞其他民主派議員幫手，例如10月復會後就搞公聽會。
小麗話個墟市會有逾10檔口，有乾貨、親子活動攤檔，佢話墟市提供就業，亦可連繫社區㗎。