薯片叔叔曾俊華選完特首之後，都好熱心公益服務。近日薯片叔又喺facebook發文，update近況，除咗出席咗facebook一年一度嘅公益日Good Causes Day，同一班NGO朋友交流外。
佢又貼文話好多人關心佢「前途」及新動向，佢將參加「暗中作樂」聲演會，同「人山人海」合作上台演唱。
不過大批網民除咗關注佢動向，仲喺貼文度「請願」，留言希望佢就近日年輕人被重判入獄發聲。有網民話，好多人都想薯片叔叔為判囚嘅年輕人講句話，雖然大家明佢政治上好難明確表態，但曲線講兩句都好！但亦有人好諒解，話其實佢表態嘅作用不大，而且早在雨傘運動時，佢已講過擔心年輕人，相信薯片叔叔個心都係難過。