懲教署噚日舉行學員結業禮同署長邱子昭榮休會操，副署長林國良喺下周一接任署長一職。邱子昭喺懲教署工作咗超過37年，1980年加入當年嘅監獄署，2014年被委任為懲教署署長，做咗3年署長，今年就退休喇。
兄獲金笛獎
邱致辭時強調懲教署要做到「懲教並重」成效，首先要有一個「穩妥、安全、人道、合適和健康」嘅羈管環境，落實更生計劃，亦採取了「防範未然」及「零容忍」嘅策略遏止非法違紀活動。
今次結業禮共有23名懲教主任同85名二級懲教助理，共108名學員畢業。29歲嘅王燊森及28歲嘅王韡馨兩兄妹來自單親家庭，為同期畢業嘅新入職二級懲教助理。妹妹王韡馨指對紀律部隊有情意結，喺哥哥鼓勵下一同加入懲教署。哥哥王燊森同時獲頒「金笛」嘅優秀學員，他指自小嚮往紀律部隊嘅訓練同工作，希望透過懲教嘅更生工作，對在囚人士做到以生命影響生命。