八両金已經63歲人，都仍然身體力行，以行動教22歲嘅八両仔咩叫路不拾遺，絕對係好多嘅榜樣。
麥明詩媽媽麥何小娟，上年書展出咗本書《我的女兒麥明詩》，分享佢嘅教育方法。從事教育工作多年的她，讀過兩個碩士課程，絕對夠資格講點教女。麥媽媽表示她對麥明詩冇特別check功課，反而著重培養小朋友嘅專注力、創造力同逆境智商咁。麥明詩喺書中寫序就話，補習唔多，返屋企會自動波溫書，仲有一樣，就係麥媽媽教識佢溝通同洞察世情，畢生受用。
森美之前喺活動自認管教嚴厲，對仔女嘅感情有獨特處理方法，佢話希望小朋友早啲拍拖，佢試過知道阿仔被傳同女同學拍拖，就約位女同學、女同學家長見面，目的係想小朋友知道家長係好開通嘅。不過咁，原來只係對阿仔嚴，對阿女就呵護有加。因為阿女好有自覺，做完功課會主動要求買補充練習，咁乖，梗係錫晒佢啦。