友邦香港新舵手顧培德（Peter Crewe）來自英國，雖然23年來喺集團擔任唔同職位，香港、澳洲、印尼等地都做過高層，但就揀喺香港落地生根，皆因Peter原來係愛妻號，娶咗位香港太太，兩個小朋友都係香港出世。
Peter上場後首次見傳媒，唔係揀咗咩特別戰衣，但袖口鈕就好特別，左右手分別係兩個中文字。大家以為係「友」同「邦」咁肉麻？No no no，睇真啲原來係「瑤」同「揚」，係Peter兩位小朋友嘅中文名啊！So Sweet!
Peter仲話好幸運喺香港識到老婆大人，因為一個成功嘅男人背後，一定係有一個好好嘅伴侶。好似Peter咁，多年來喺唔同國家調來調去，太太就做足跟得夫人咁多年，難怪佢哋感情咁好。
李華華