中環在線:東方表行小股東寧要百佳禮券

中環在線:東方表行小股東寧要百佳禮券

零售回暖,東方表行(398)早前公佈業績亦都扭虧為盈,仲派特別息。公司噚日舉行股東會,秘書林慶麟好高興咁話,為報答股東,派特別息之外,公司仲打算未來一至兩年調高派息率去到100%。雖然佢咁豪爽,但可惜小股東就唔多領情,仲投訴管理層對佢哋唔好,點解呢?
事關噚日公司喺中環文華東方酒店開完股東會後,小股東要排隊拎酒店茶點,數量有限,股東人數卻唔少,一度出現唔夠派嘅情況。有位小股東就好激動咁投訴,話要佢哋排隊攞茶點,要求公司派百佳禮券呀!唔知管理層收唔收到呢?

李華華