拿玻里周三歐聯附加賽首回合喺主場2:0輕取最後九人應戰嘅尼斯。拿玻里開賽13分鐘由比利時國腳梅頓斯突破越位，單刀推過對方門將射入領先1:0。佢70分鐘喺禁區內畀查列踢跌獲12碼，由佐真奴費路射入領先2:0。落後兩球嘅尼斯仲有中場雲遜哥斯路同柏利亞被逐，次回合下周二喺尼斯主場進行。而些路迪喺主場以5:0大炒艾斯坦拿，晉級機會高唱入雲。
