荷蘭國家隊主帥艾禾卡特，周三公佈32人初選名單，備戰兩場世界盃外圍賽。今次復古味濃，橙軍歷史神射手，34歲嘅尹佩斯相隔近兩年後獲得重召。仲有兩位三字頭球員包括前利物浦翼鋒賴恩巴布，同埋𠵱家效力巴沙克舒希嘅伊利亞。荷蘭目前喺世盃外歐洲區A組六戰得10分暫排第三，同榜首嘅法國同瑞典同樣差三分。橙軍會喺八月尾作客對法國，四日後返主場迎戰保加利亞。