手持一份能夠一目了然嘅馬報，相信為唔少馬迷鑽研賽馬心得嘅好幫手，又或者能從中取得貼士嘅好途徑。
香港馬報一向五花八門，乜款都有啲，等讀者以唔同角度，去閱讀賽馬世界嘅故事。除咗香港之外，賽馬事業蓬勃嘅國家，都有自己一套嘅報道模式，例如英國最出名及公信力嘅馬報，就要數《賽馬郵報》（Racing Post）。
這份成立超過30年嘅馬報，一直見證近年英國馬壇嘅發展。每一匹名駒嘅威水史，呢份報紙都一一為佢哋記錄下來。近年，雖然佢哋開始主力發展網上媒體，但亦依舊有繼續出紙媒，供英國馬迷實實在在睇到馬圈日常嘅新聞。
當中的實質內容有什麼，與本地馬報是否有很大出入，相信本港馬迷都會好奇想知，所以《蘋果》訪問了熟悉外國賽馬的馬會特約記者賀健仕，並介紹此馬報嘅細節。
他說：「雖然賽馬郵報內有一些體育消息，但主要都是賽馬的新聞及資料，與香港的馬報近似。它每天刊載許多賽馬的故事，包括英國本土及國際新聞，像有法國賽事的報道，當中亦有許多專欄，涵蓋不同類型的賽馬資訊等。」
以香港報章而言，賽馬資訊主要來自兩個途徑，一是綜合性報章即所謂的日報之馬經版，二是集中刊登賽馬排位、賠率及貼士的所謂馬報，市場上缺乏像英國「賽馬郵報」那種每天出版的綜合性體育報章，從中亦可透視出兩地賽馬文化的不同。