中環在線:陳智思放棄上環「永健坊」 - 李華華

中環在線:陳智思放棄上環「永健坊」 - 李華華

早於2014年,亞洲金融(662)總裁陳智思以公司名義,開咗間針對50歲以上人士嘅健體中心「永健坊」,仲以6,000萬元買入上環一幢三層物業去搞,除咗有得健身同參加興趣班,仲有姪女陳曉鈴親自打理嘅餐廳,都幾揼本。可惜,噚日陳智思喺業績會上宣佈,永健坊做到9月就唔做喇。
佢話,雖然永健坊口碑好好,唔做令好多客覺得好可惜,無奈經營3年都達唔到收支平衡,會員人數唔達標,買晒成棟物業嘅投資太大,真係好難再做落去。
不過,陳智思依然睇好銀髮市場,佢話會考慮用成本低啲嘅形式再做過,好似上門服務咁,但暫時未有決定,要觀望香港與內地嘅同業點搞先。

李華華