【本報訊】興德學校去年教師發展日的行程包括帶教師北上睇樓，該團由教聯會負責承包。教聯會主席黃錦良向《蘋果》稱，該團行程非教聯會安排，而且睇樓只佔行程一小部份，並無問題，等同交流團安排購物景點，「順便購一購物，無影響個團本身」。黃強調教聯會「跟足程序、收足學校錢」承包該團，未有收受發展商任何利益。
死撐如順便購物無問題
興德去年帶團參觀的樓盤為「諾楠．悠山美地花園」，位於惠州市仲愷區。承包商教聯會兩年前也被揭跟「悠山美地」發展商關係密切，獲「悠山美地」送贈一套價值港幣87萬元的單位，用作教聯會成立40周年的大抽獎頭獎，以換取在《教聯報》免費登廣告兩年。
黃錦良指上述興德教師發展日由教聯會旗下旅行社承包，他承認興德教師當日確在「悠山美地」參觀樓盤及示範單位，他又指，「好多老師其實𠵱家都返去買樓置業……好似去啲交流團，都會安排景點去購物，順便購一購物，無影響個團本身，咁無問題㗎喎」。
黃強調跟足程序，教聯會亦無收「悠山美地」利益，「我哋照程序做、收足學校錢，佢哋要辦呢個團呀嘛，我哋咪幫佢哋搞囉；地產公司亦無畀錢教聯會、無任何贊助」。至於睇樓環節是教聯會還是興德安排，黃最初指「行程嚟講，係學校提出」，其後又稱「唔肯定係咪由學校提出」，着記者問學校。黃再三否認行程由教聯會安排，強調「行程最終決定權都喺學校手上」。
■記者葉偉東