日本菜係港人至愛，居港10年、經常協助日本旅遊局推廣嘅日本人大塚悠介、木邨千鶴，拆解幾樣日本飲食文化迷思。日本人會唔會扒飯？大塚悠介話以前飯碗好珍貴，要捧喺手，但唔可以將碗放近嘴巴，「我們認為這就像狗進食的方式。日本米容易用筷子夾起，所以可以一口一口的吃」。
食家蔡瀾多次話真正日本人從來唔食三文魚，大塚悠介話：「我年輕時根本不知道有三文魚壽司。但來到香港後，發現很多香港人都喜歡吃三文魚。」木邨千鶴亦指，三文魚是一種廉價食材，「我們一般只吃三文魚子」。但大塚悠介承認，近年日本開始多咗人食三文魚，但「我還是會首選吞拿魚」。
大塚悠介又提醒，日本筷子比較尖，指住人唔禮貌，所以正確擺法係將筷子打橫放喺自己前面。浪花一本居食屋公關經理蕭詠芝話，好多日本人嚟到都會適應香港飲食文化，但都會保留少少，例如鍾意飲冰水。