新一屆電腦通訊節25日起一連4日喺灣仔會展舉行，首次推出「早鳥」入場優惠門票買一送一，仲送出20萬現金券俾學生哥買手提電腦開學；八方就最期待場內電競節，Cyber Games Arena行政總裁Ryan話，全球首度舉辦世界女子喪打《英雄聯盟》，台港澳地區代表大戰歐、中、韓，四隊女子隊，唔打得都睇得啩。
另外，電競產品都減價促銷，頂級手提電競電腦Terrans Force Pro 6，以85折28,998元出售；Logitech電競組合599元起。Jabees真無線藍牙耳機Btwins同Shield都大劈價，原價998元及599元，現場優惠價299元及199元，每日各限售首10名客人。近期深受拍友歡迎、配合iPhone用嘅單反相機模擬器CatClaw同I-Huge嘅迷你桌上電腦都劈價吸客。