【拆局】
民主黨林子健聲稱遭「強力部門」擄走及虐打，卻突然遭警方以涉嫌誤導警務人員拘捕。
有民主黨及民主派中人稱，雖然不少人一開始已質疑事件可信性，但以他們認識的林子健，「唔會係為出位陷個黨於不義嘅人」，亦不同意李柱銘、何俊仁等人「跟車太貼」，「當你見到兄弟俾人打咗廿幾粒釘，都會緊張個兄弟，而唔係仲要質疑佢」。
影響民主黨形象
有民主黨人稱，雖然黨內、民主派內有人私下認為，林一向愛做出位的事，而他講述的遭遇不合理，亦不符北京一貫「維穩」手法，質疑整件事可信性，但當他展示大腿上20多口釘書釘，「好多人都覺得，佢（林子健）唔似玩到咁大，不惜自己釘自己講大話，亦唔會為博出位害個黨」。
對於李柱銘、何俊仁等與林一同開記者會，有人認為兩人「跟車太貼」，有民主派人士相信，兩人當時是真心相信林子健，「佢兩個（李柱銘、何俊仁）可以話由細睇到佢（林子健）大，見到佢咁講，仲俾人打咗廿幾粒釘，好正常都會信佢」。
不過他亦承認，今次事件難免對兩人及民主黨形象造成負面影響，「雖然事件仍在調查，但明顯公眾已有判斷，覺得民主黨太輕率信林子健」。
■記者莫劍弦