UberEATS噚日搞咗個飲涼茶活動，仲請咗中醫師趙仕祥到場講解。UberEATS總經理Horace就把握機會，即場搵趙醫師把番個脈，仲俾趙醫師話佢濕熱，要早啲瞓同戒生冷嘢，又即場寫張「涼茶方」出嚟，Horace就乖乖哋聽醫師「教訓」，場面幾搞笑。
趙醫師話，Horace身體屬於熱底，又有啲濕氣重，叫佢要戒夜瞓同埋生冷嘢，Horace一邊聽，一邊露出少少尷尬表情。
趙醫師即席寫咗張「涼茶方」，叫Horace要飲雞骨草同袪濕茶，另外仲要飲啲山渣杞子茶清解下個肝，Horace笑住話要快啲落單先，又話會睇吓有無得早啲放工。可惜Horace咁高級，睇怕唔係咁易嘞。
李華華