中環在線:冠君靚女CEO賣糖旺場 - 李華華

中環在線:冠君靚女CEO賣糖旺場 - 李華華

冠君產業信託(2778)旗下旺角朗豪坊商場之前發生「通天梯」事故,加埋零售市道麻麻,靚女CEO王家琦(Ada)都要多花心思引入特色商戶搞旺個場,掹番高啲生意。噚日業績會上,Ada仲親自攞住一籃零食sell場㖭!
Ada話,朗豪坊一向走大眾化路線,高層商戶唔少係走本地情懷路線、文青小店風情,最新就引入「美樂士多」,專賣懷舊零食。Ada話自己最鍾意食BB糖,希望新舖都可以幫大家搵番童年回憶咁話。

李華華