曾演出韓劇《Oh My Venus》、《五個孩子》嘅34歲男星成勛，早前憑《焦急的羅曼史》人氣急升，受邀拍攝MBC綜藝節目《我獨自生活》。節目日前播出最新一集，講成勛孖友人去漫畫店享受悠閒時光，但點知漫畫店嘅女職員就因為撞樣「國民初戀」秀智而引起網民熱議。
當時節目播出嘅片段係成勛及友人向女職員Order緊食物，而側面出鏡嘅女職員同初出道仲有包包臉嘅秀智相當似樣，更有唔少網民特地搵返當日嘅節目截圖做對比，大讚該名女職員靚女。
另外，真正「國民初戀」秀智早前完成新劇《當你熟睡時》嘅拍攝工作，依家去咗海外旅行休息，佢噚日喺Instagram上載自己食漢堡包嘅相，相當可愛。