家陣唔少內地品牌「走出去」，好似安踏體育（2020）噚日舉行業績會，無論中期報告封面，定記者會背景板等都用NBA球星克萊湯普森（Klay Thompson）拎住波鞋好enjoy嘅樣，相反自己友中國足球員鄭智、內地影星張儷等，就夾喺業績報告內版，集團似乎都放眼國際喎。
查實安踏2015年已經簽咗呢位NBA金州勇士隊後衛做代言人sell籃球鞋，今次業績會就一改以往只用產品做backdrop，用咗Klay Thompson拎住對KT2籃球鞋嘅相，個樣仲鬼咁enjoy。
集團指，對鞋由發佈至今，已經賣出142萬對KT系列嘅籃球鞋，首席財務官林戰又話，今年研發新產品嘅開支佔5.8%，預計相關佔比會陸續擴大。
李華華