【本報訊】民主黨成員林子健報稱在旺角被人擄走，但砵蘭街多間店舖門外的閉路電視（CCTV）都拍攝到他的身影，其間未見他被人擄走，其中食肆深仔記的閉路電視也拍到當日林子健經過砵蘭街的畫面，負責人沈先生稱當日事發時未見任何異樣，又指「我完全唔識呢個人，有冇嚟幫襯我唔知」，並透露是記者早警察一步到其店舖翻查閉路電視紀錄。
「記者嚟先㗎，講番有件咁嘅事，我先知道咋」，沈指早在林子健開記者會交代事件當日，一名女記者到其店舖查看閉路電視片段，「佢（記者）起碼睇咗3個鐘頭以上，但都係冇料」，大前晚對方再到其店舖睇片，終於找到有關片段。
稱事發時無異樣
至前日警方才派員到店舖取走閉路電視片段，「同問有乜異樣之類」。沈對事件感到質疑：「條街咁多人，冇理由冇人睇到（被擄上車）。」又稱事發時未見任何異樣。
位於砵蘭街與碧街交界的童真文具店負責人華姐亦稱，傳真社一名女記者到其店舖查看閉路電視片段，「一撳就睇到」，而警方前日亦有到其店舖及砵蘭街一帶調查，主要問她事發當日有沒有聽到爭吵聲或異樣。
■記者簡明恩、黃江奇