「may 姐你好，一直都有看你專欄，對我這個職場新丁（4年）來說，非常受用，謝謝！我在這家工作了3 年的公司申請調配到了新的部門，人工加工作量都多，要重新適應。工作經驗尚淺的我，很多時候比較缺乏信心，對身邊的人和事都相當敏感，經常向同事問東問西。
例如會問老細咁夜先走？咦，佢同咩人開會？開成點？最近有同事話，雖然知我認真努力應付手上的工作，但對於老細幾點走，幾點返，老細頭先開會講乜，有乜會開，同邊個開，都要check住，佢唔想成日都要同我report。他同我是同title的。
我感覺上，我又沒有要他report，反而我問多少少，佢就會長篇連環10個msg。相反，我很少分享自己的看法，每次詢問之後，我都只是哦，oic咁。可能同事比較反感我問長問短。may姐你可以分享一下你的看法嗎？」
究竟誰是may姐？我問你究竟是想問我還是想問她？正常來說，你連我個名都寫錯，我是例不會答的，只實在忍不住不插嘴。
出來工作四年同一間公司做了三年，還算新丁？你的敏感根本就是八卦，咁得閒四周圍問長問短問東問西，日日關心老細去過邊做過乜，你日日在辦公室究竟做過乜？講真都要讚一讚你的同事們的耐力耐性，對你的包容真正社會難尋職場罕見。你做的是不是政府工？
在工作上要增強自信就應該努力專心做好自己份內事，才有資格理其他。人際關係上要增強自信當然就要學點樣做人，最低限度不要莊閒不分多管閑事乞人憎。同事反感你不會反省因由，堅持繼續問那些九唔搭八完全與你無關的問題，保得住份工還有得加薪加入新部門，恨死幾多做到有氣冇?唞的打工仔？
張慧敏